Jende asko gimnasiora apuntatzean, ez daki kontuan hartu beharreko gauza asko daudela, esaterako, elikadura. Oso garrantzitsua da modu orekatuan jatea (proteinak, karbohidratoak, barazkiak…), entrenatzerako orduan, beharbeste energia izan dezazun. Arropa ere kontuan hartu beharreko zerbait da; eroso sentitu behar zarelako jarrita daramazunarekin. Azkenik, kirolariek hartu ahal dituzten gehigarriak existitzen dira, beraz hauei buruz ere hitz egingo dut.

Bizitza osasuntsu bat eramateko ez da bakarrik kirola egin behar. Modu orekatuan jatea, ariketa fisikoa egitea baino askoz garrantzitsuagoa da. Baina, ondo jateak ez du esan nahi bakarrik barazkiak eta frutak jan behar dituzunik. Errezeta gozoak ere egin ditzakezu, hala nola galletak, bizkotxoak… Blog honetan, beraz, normalean egiten ditugun baino osasuntsuagoak diren postreak eta jaki gozoak prestatzen irakatsiko dizut.

Entrenatzerako orduan, arropa erosoa eramatea ezinbestekoa da. Ez da gustokoa arropa urratuarekin, bakeroekin edo jantziekin entrenatzea; horregatik, garrantzitsua da erraz mugitzea ahalbidetzen dizun arropa aurkitzea. Hortaz, webguneak edo dendak gomendatuko dizkizut, prezio/ kalitate oneko arropa eros dezazun.

Bazenekien zure entrenamenduan gehiago errenditzen laguntzen duten gehigarriak daudela? Ba, horrela da. Gehigarri mota asko daude; noski hauek ez direla derrigorrezkoak, baina zure helburuaren arabera, horrelakoak hartzea lagungarria izan daiteke kasu batzuetan.